القائمة الرئيسية

الصفحات


انهاردة هقولك علي موقف الجيزة


مكان الموقف : بجوار مسجد الاستقامة وعلامة مميزة هي عمر أفندي 


لو سمحت عايز اروح السيدة عائشة ؟
شوف يا بلدينا العربيات اللي تحت الكوبري هناك عند الاشارة دي عربيات السيدة عائشة والاجرة تقريباً 3 جنيه
بقولك لو سمحت كنت عايزة اروح الدقي ؟
بصي يا أنسة العربيات اللي قدام عمر أفندي دي بتروح الدقي وامبابة والاجرة 3 جنيه

بجولك ايه عايز اروح بولاق ؟

روح مع الانسة دي يا حج واركب عربيات بولاق لوا
في عربيات هنا بتروح مدينة نصر ؟ 
ايون يا استاذ حضرتك هتركب الميني باص الازرق أو اتوبيس الهيئة من قدام باب كلية زراعة

عايزة اركب فيصل ؟
قدام مسجد الاستقامة هتلاقي عربيات بتروح فيصل والهرم

في مشروع للتجنيد ؟
في يا اسكندراني عربيات بتروح التجنيد من عند الاشارة اللي هناك دي ميني باص كبير

عربيات هايبر والشيخ زايد فين لو سمحت ؟
من قدام باب مستشفى الطلبة هتلاقي ميكروباصات هايبر والحصري والاجرة 7 جنيه


عربيات الفيوم فين ياباشا؟

  العربيات جوا الموقف يا بلدينا ادخل الموقف جوا هتلاقي العربيات ولو ملقتش في موقف المنيب هتلاقي عربيات فيوم من هناك

واركب منيب من عند الاشارة العربيات الترامكو دي


تعليقات